Skip to content
Home » Chanchinthar » CM lehkha pek tum Congress thalai leh police innnawr

CM lehkha pek tum Congress thalai leh police innnawr

Congress ṭhalai (MPYCC) chuan Mizoram State Health Care bill chungchang tifel a, thudik puangchhuak tura an phûtna lehkha chu nimin khan Chief Minister Zoramthanga pek tumin Chief Minister Office-a kal an tum a, police-ten CM office gate-a an lo dan avangin hun engemawchen police leh Congress ṭhalai-te hi an innawr buai.

Congress ṭhalaite hian CM lehkha pek an tum hi amah ngei pek an duh thu an sawi laiin, police hotute leh CM office lam chuan a secretary pe mai turin an ngen a, hei hi Congress ṭhalai lam chuan an duh loh avangin police-te nen hian engemaw-chen an innawr buai a, hemi hnu hian Congress ṭhalai hruaitu leh Congress party hotu ṭhenkhatte CM office-ah luhtir an ni a, CM hian inleng a neih thu leh hmuh a rem loh thu CM secretray K.Lalthawmmawia’n a lo hrilh hnuah Congress ṭhalai president Dr. Lalmalsawma Nghaka chuan CM secretray hi CM lehkha pek an tum hi a pe a, CM hmu turin appointment siam nghal a, hmai chhana CM chu hmuh leh ngei an tum thu a sawi a, Congress ṭhalai chu buaina siam tura kal an nih loh thu leh, mipui thlavang hauh duhna avang chauha pên chhuak an nih thu a sawi a, mipui thlavang hauh tur hian tun lo pawh hi an la pen chhuak dawn chauh tih a sawi bawk.

MPYCC chuan July ni 20, 2022 hma ngeiin Health Care sum tlingkhawm leh a pung zawng zawng zat belhkhawm mipui hmaa puanzar an phut bakah damlo bill ba zawng zawng release an phut a, Chhung tina damlo apiang tana cheng nuai 2 thleng hman theih tura SEDP-a sum dah vek tawh chu khawiah nge a awm a, engzatnge dah a nih mipui hriata puan zar te, an sawrkar hma-sak anga health care sum mimal hlawkpui tura bank-a an dah leh dah loh sawi chian leh Congress sawrkar hmasa sum lo dah vaibelchhe 122.39 chuang sawi hnawm a, cheng khat mah dah lo anga CM in a sawi kher nachhante sawifiah an phût a ni.

Leave a Reply

This site uses Akismet to reduce spam. Learn how your comment data is processed.