Skip to content
Home » Chanchinthar » French Open: Nadal-a’n Final a thleng

French Open: Nadal-a’n Final a thleng

French Open mipa singles-ah Rafael Nadal chuan final a thleng ta a, semi-final-ah a tumpui, Alexander Zverev chu na taka a tluk avangin wheelchair hmanga lak chhuah a ni.

Semi-final-ah hian second set an khelh laiin Third seed, Zverev hian a kerek ding lam a tina a, hetihlai hian Fifth seed Nadal hian 7-6 (10-8)-a hma a hruai lai a ni a, medical team-ten Zverev hi an buaipui a, a khel chhunzawm thei ta lo a ni.

Zverev a inhliam takah chuan Nadal chuan Pathianniah final a khel dawn ta a, eight seed Casper Ruud leh 20th seed Marin Cilic inkhela a chak zawk zawk a hmachhawn dawn a, a kum 36-na pian champhaah hian Nadal chu French Open history-a men’s singles finalist upa ber dawttu a ni dawn a, a aia upa chu kum 1930-a runner-up American Bill Tilden a ni a, ani hi khatihlai khan kum 37 mi a ni.

Mipa Singles final hi Pathianni tlai dar 6:30-ah khelh a ni ang.

Leave a Reply

This site uses Akismet to reduce spam. Learn how your comment data is processed.