British heavyweight Derek Chisora leh Kubrat Pulev-te chuan July ni 9 khian The O2 Arena-ah rematch an nei dawn.
Kum 2016 khan Chisora hi Pulev nen an intawn hmasakna berah split decision hmangin a tlawm a, an intawn hmasak ber aṭanga kum 6 hnuah an inhnek leh dawn a ni.
Kum 38 mi, Chisora hian kum 2007-a professional-a a luh hnuah hnehna ṭum 32 chang tawhin a tumpuite lakah ṭum 12 a tlawm tawh a ni.
Ṭum hnih World title challenger lo ni tawh kum 41 mi, Pulev hian ṭum 29 hnehna a chan tawh laiin, ṭum 2 chiah chak loh a la nei a, 2020 khan Anthony Joshua chuan a knock out a, hei hi a career-a a chak loh vawi hnihna chiah niin, kumin May thla khan Jerry Forest lakah hnehna a chang leh a ni.