World number two Alexander Zverev chu a hliam a la damfel loh avangin US Open khelh tur aṭangin a inhnukdawk.
Kum 25 mi, Zverev hian French Open semi-final-a Rafael Nadal a hma-chhawn ṭum khan a kheimit bawr a ti-hliam a, hei vang hian nimin khan a inhnukdawk tih a puang a, 2020 US Open runner-up Zverev a inhnuhdawk avang hian world no. 3 Nadal chu champion lai Daniil Medvedev hnuai chiahah, second seed a ni thei dawn a, midang pawh seeding-ah an san phah dawn a ni.
US Open hi August ni 29-ah khelh ṭan a ni dawn a ni.
Hetihrual hian Covid-19 vaccine la duh lo, Novak Djokovic pawhin US Open a khel dawn em tih a la chiang lo a, entry list-ah chuan telh la ni mahse US hian vaccine la lo chu an rama luh a phal lo a, vaccine lak duh loh vanga Australian Open pawh lo khel tawh lo, Djokovic pawh hian US Open-ah pawh a khelh loh a rinawm hle.