Zothlifim Logo
Loading ...

Mizoram khawpui hrang hranga PHE Department-in mipuite tana tui a lâkte enfiah tura din, Inspection team chuan nimin khan Tuikuma PHE Department-in Serchhip mipuite tana tui a lakna hmun an tlawh.
Nimina Tuikum luia PHE Department tui pump-na endikna hi ‘Inspection team’ convener Er. Lalrin-zuala Ralte, Superintending Engineer, PHED, Aizawl WATSAN Circle chuan a ho a, Serchhipa mipuite tana tui lak dan kalphung chu endiktute hian a ṭha hle tih an sawi a, hemi hnu hian Thenzawl mipuite tana tui lakna Vanva luia tui pump-na hmun an tlawh leh a ni.


PHE Department chuan tun thla ni 12 khan SE kaihhruaina hnuaiah ‘Inspection team’ hi dinin, hetah member-te chu – Er. Dr. ZR Ṭhasangzuala, EE (P), Chief Engineer Zone-I, Er. Samuel LR Ralte, SDO, Serchhip leh Lalngaih-awma, Chief Chemist, SRI-te an ni a, anni hi Mizoram khawpui hrang hrang tana tui lakna luite a nut nasat lutuk leh bawlhhlawh lutuk vanga Water Treatment Plant-a tui sawngbawl dan (tui an tihfim dan etc) leh Pumping Station-te, tuilak enkawltute harsatnate zir chiang tur leh tihdan ṭha zawk kawhhmuh tur an ni a, tunkar Thawhlehni aṭang khan zirchian hna hi ṭanin, Saitual, Khawzawl leh Champhai-a tuilakna hmunte an tlawh tawh a, Mizoram khawpui hrang hrangte pawh an la tlawh zel dawn a, an zirchianna report hi PHE Department hotuten an la thlirho leh dawn a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117