Zothlifim Logo
Loading ...

Animal Husbandry & Veterinary Department leh Mizoram Entrepreneurs’ Forumte ṭangkawpin an buatsaih ‘Vetpreneur Business Plan Competition 2023’ khârna leh lawmman semna hun chu niin khan Synod Conference Centre, Mission Vengah neih niin, AH&Vety minister Er. Lalrinawma chuan khuallian niin a hmanpui.


He hunah hian khuallian Er. Lalrinawma chuan thu sawiin, Vety department-in ran vulhtute tan tunhma chuan small scale zawng leh subsidy ang zawngin hma kan la nasa a, hei hian kan beisei angin awmzia a nei tawk lo nia hriat a nih avangin state sawrkar leh sawrkar laipui pawhin ngaihtuahna thar sengin a ki kan thlak ta a. Tun hnai aṭang chuan entrepreneurship hawi zawngin kan programme hrang hrangte hi kan her chho hret hret a, tunah pawh National Livelstock Mission hnuaiah Vetpreneur Business Plan Competition-te pawh kan buatsaih ta a ni a. Hei hi kan bul ṭanna pawimawh tak pakhat a ni a, hei hian kan ram economy chawikânna kawngah pawh awmzia thui tak a neih ka beisei a ni a ti.


Khuallian chuan Animal Husbandry hi kan economy puitu pawimawh ber te zinga mi a nih avangin hma kan sawn zel a pawi-mawh a, thalai lehkhathiam leh a ngaihna hre tak takten helam an kalpui chu lawmawm a tih thu sawiin, ṭhalai a ngaihna hriate nena \anho chuan reiloteah sa leh artuiah kan intodeloh ngei ngei ka ring a ni a ti a.


Vety department chhinchhiah danin kum kalta khan phai atangin bawnghnute litre nuai 137 a lo lut a,ar puahsa metric ton 1030, artui pum nuai 373 lai a lo lut a, heng zawng zawng leina atana ram pawna Mizoram mipuite sum luang chhuak hi cheng nuai 20000 chuang a ni, a ti bawk.


Khualzahawm Veterinary & Fisheries Development Board Vice-Chairman C.Lalmuanpuia pawhin thusawiin, Mizo ṭhalaite rilru lo chakzia leh an tumruhzia he competition hian a tarlang tih a sawi.
He competition-ah hian topic pali – Meat processing, Milk processing, Livestock Value Chain leh Veterinary Service Delivery hmangin District hrang hrang aṭangin mi 49 ten business plan an thehlut a, screening leh interview kaltlangin lawmman dawngtu te thlanchhuah an ni a, Pakhatna hi Dr. Freddy H.Siamthara, “Vetmiss”, Upper Kanaan, Aizawl niin, pahnihna chu Winkle Laltlanchhunga, “Trinity Organic Farm”, Upper Kanaan, Aizawl a ni a, pathumna chu Dr. Angela L. Renthlei, “GR Foods”, Pema Colony, Chaltlang, Aizawl a ni a, Consolation prize mi pangain an dawng a, pakhatna hian cheng nuai 3, pahnihnain cheng nuai 2 leh pathumnain cheng nuai 1 an dawng a, consolation prize dawngten ₹10,000/- \heuh an dawng bawk a, he hunah hian Vetpreneurship lama mi hlawhtling mi 4-te hnenah Vetpreneur Special Award hlan an ni bawk.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117