Serchhip-a oil filling station awm chhuna mipuiten tuialhthei mamawh khawp lak tur an neih loh chungchangah nimin khan Serchhip Town Joint VC hruaitute chuan an chairman Chairman B.Vanlalngura hovin pump neitute an kawm.
An inkawmhonaah hian B.Vanlalngura chuan Serchhipin tuialhthei lamah hun rei tak aṭanga harsatna mipuiin an neih thu leh pump lamin harsatna a neih chuan puih a in huam thu a sawi a, Pump enkawltute chuan tuialhthei phur lirthei a chetsual avanga leh khawl a lo hlui deuh tawh avangin lost-a kal châng an neih thute an sawi a, tuialhthei pêk chhuahnana khawl hi kum 8 aia rei hman loh tur anih laiin kum 10 chuang hman ani tawh a, a thlakna tur khawl a awm loh avangin an buai thute bakah sum lamah harsatna an tawh avangin an buai niin an sawi a, Oil-ah hian Central nen inthlunzawm vek a nih avangin Oil awm zat leh tui awm zâtte a lan vek avangin pawlh dal theih a nih loh thu an sawi bawk a, sum lama an harsatna chu Bank lam nen inberawna tih theih an in beisei thu sawiin, pump khawl thar thlak a nih hnuah a pangngaia anga kal leh theih an inbeisei thu leh, chutiang tur chuan hma an lak zel thu an sawi bawk.