Vawiin chawhnu dar 2:30 hian Aizawl-a I&PR Conference Hall-ah PRISM batsaihin 14th Mizoram Watch neih a ni dawn a, he programme hi LPS 1 leh Zonet Rihnim-ah te Live a pek chhuah a ni ang.
PRISM chuan Kum 2009 aṭang khan Mizoram Watch hi kumkhatah vawi 3 a buatsaih ṭhin a, April leh October-ah Manifesto bawhzui dan sawiho-in December-ah Ram hruaitute thiltih sawihoa a bu a tlangzarh ṭhin niin a hmun a kalten sawrkar thiltih ṭhat mark an pe ṭhin a ni.
14th Mizoram Watch-ah hian MPCC in kum 2008 MLA Inthlanpui a an manifesto hman Thla 58 (Kum 4 leh thla 9) chhunga an bawhzui dan leh sawrkar kalphung hrang hrang te sawiho tur a ni dawn a, he hunah hian party tin aiawh, NGO ṭhenkhat leh ram siamṭhat duh mi hrang hrang te an tel dawn a ni.
He huna hman tur MPCC Manifesto bawhzui dan in ziahna “Champhai Tlang” tih booklet (Prism booklet-19) chu chhuah a ni tawh a. Kumin inthlanpui-ah hian Party tin ten an Manifesto-ah party dang tih tawhsa ziah ve ngawt te, tlin duh avanga tih theih miahloh tur ziah chhuah mai mai a nih loh nan Political Party tinte hnen-ah August ni 30, 2013 “Mipui Manifesto” an tih chu PRISM hian Manifesto a hmang tura ngenin Political Party tinte an lo pe tawh a ni.