Bangalore-ah bomb puak

Karnataka state chu inthlenpui nei tura a inbuatsaih mek lain an state khawpui Bangalore a Karnataka BJP office bulah nimin zing khan bomb a puak a, police 8 tiamin mi 16 in hliam an tuar.

Bomb puah hun hi nimin chawhma dar 10:20 bawr vel niin police thuneitu te chuan an sawi a, bomb tipuak tute hi hriat anla ni lo a, chhui zui nghal an nih thu police thuneitu te chuan an sawi a, DGP Pu Lalrokhuma Pachuau chuan tukina thil puak hi Bomb ani ngei tih finfiah anih tawh thu a sawi a, remote control hmanga tihpuah theih chi bomb anih an rin thu a sawi bawk.

Home Ministry chuan thil thleng chhuichiang turin National Investigation Agency te Bangalore ah a tir nghal a, Delhi a thuthar thehdarhtu te hmaah Minister of State for Home, RPN Singh a chuan sawrkarlaipui chu state sawrkar leh Police te hmalakna a pui tura a inpeih reng thu a sawi a, mipui te pawh chiai lo turin a ngen a ni.

Hetih lai hian Karnataka state inthlanpui May ni 5 a neih tur atana hming pek luh ni hnuhnung ber vawiin thlengin inthlan chuh tum mi 2000 chuangin hming an pelut tawh a, hming lut te hi naktuk ah endik a ni anga tun thla ni 20 thleng inhnuk duh tan tun hawn a ni. Inthlan chuh tura hming pelut zingah hian Chief Minister Jagadish Shettar leh Home Minister R Ashoka te pawh an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram