Tun thla ni 17-a Chakma Autonomous District Council inthlanpui neih tura chuh tum te tana hming pek luh hun chu nimin chawhnu dar 3 khan khar a ni a, seat 20 chuh turin mi 49-in nomination an file-a, vawiinah an hming te endik a ni ang.
Rorel lai Congress party chuan seat awm zawng zawng an chuh fai vek dawn a, Congress Party ticket-a chuh tum te zingah CEM ni lai Pu Kali Kumar Tonchinguya leh MLA hlui Pu Nirupam Chakma te an tel a, Pu Tongchangya hian a bial ngai Fultuly atangin a chuh dawn a, Pu Nirupam Chakma hian bial thar Mandirasora atangin a chuh ang.
Eptu lam, MNF party pawhin seat awm zawng zawng 20 an chuh dawn a, hetihlai hian, independent candidate 9 an awm bawk a ni.
Tun dinhmunah inthlan campaign boruak hriat tham a la awm rih lo ni a thudawn a ni a, vawiina scrutiny neih zawha a chuh tur an chian hnuah campaign hi ngawrh chhih a nih rin a ni.
Inthlan felfai taka a awm theihna tur leh tul zawng zawng te chingfel turin inthlan Returning Officer, Lawngtlai DC Pu B.Lalhmingthanga leh official dang ten nimin khan Chawngte an pan a, vote thlakna khawl EVM leh thil \ul engmawzat te Chawngte-ah an chhawp chhuak ang.