Championship club Cardiff City-in Charlton Athletic an draw avangin season thar aṭangin Premier League an khel thei dawn.
Cardiff City hian an inkhelh goal awm lovin Charlton an inhnehtawk pui a, an mamawh point khat lek chu Premier League kai nan an hmang ta a. Kum 51 hnuah Top flight-ah an rawn inlan leh dawn ta a ni.
Mual neitu Cardiff city hian Charlton hi an hneh lo ṭhelh a, mikhual tan Jonnie Jackson free kick chuan woodwork a per a, Ricardo Fuller shot ṭha zet mai chu Cardiff city keeper David Marshall chuan ṭha em emin alo save bawk a. Inkhelh zawh hian Cardiff city fans ṭhahnem tak gound-ah an lut a, an player te hi an chawimawi a ni.
Premier League-ah welsh team pahnih an awm dawn ta a, Swansea hnung zuiin Cardiff City hian kum thar aṭangin Premier League an khel ve thei dawn ta a ni. Match 3 khelh tur la awm mahse, Cardiff hian points 84 an nei a, anmahni hnaih bertu Hull chuan points 77 an nei a, an umphak thei tawh lo a ni.
Premier Leage atang club pathum divison hniam lamah an tla ang a, championship atang club pathum an kaichho thung dawn a. Championship division-a pakhatna leh pahnihna hi automatic-a Premier League qualify an ni ṭhin a, Watford chuan pahnihna Hull hi an la umphak ve thei tho a, hei vang hian Hull chuan play off khelh loh hram an tum dawn a, Hull hi an tlang chiang thei a nih chuan Play off khelh hi Watford bakah Brighton, Crystal Palace, Leicester, Bolton leh Nottingham Forest ten an la inchuh thei dawn a ni.
Cardiff hi Premier League-a an kai takah chuan 1992 hnua Premier League din anih hnua Premier League khel thei club 46 na chiah an ni a. 1962 khan khatih hunlaia division sang ber first divison atang tlain division sang berah an khel leh tawh ngai lova, kum 51 hnuah an inhlangkai leh chauh a ni.