Seat 20 awmna Chakma Autonomous District Council inthlanna niminpiaha vote tla te chu vawiinah chhiar a ni ang.
He inthlannah vote zaa 92.39 zet a tla a, vote tla te hi vawiinah Chawngte-ah zing dar 8 atangin chhiar ṭan a ni ang a, Vote hi Chawngte SDO Civil Office Complex-a Counting Hall 2 buatsaihah chhiarin, Counting Hall No. 1-ah MDC bial 1 aṭang 10 chhiar an ni ang a, Counting Hall No.2-ah Bial 11 aṭanga 20-naa vote tla te chhiar a ni ang.
CADC inthlanpuiah hian Vote a tla ṭha hle a, bial zawng zawngah zaa 90 vel zelin vote an thlak ni a ngaih theih a ni a, nimin tlai dar 5:30 vel khan Polling Party zawng zawngin Chawngte an thleng kim thei a, khawi hmunah mah vote thlak ṭhat ngai a awm lova, tluang takin boruak muanawm tak hnuaiah vote hi thlak a ni.