PWD Building ṭhiah rawtna file CM hnen thleng lo tih sawi

Parliamentary Secretary to Chief Minister Pu Lal Thanzara chuan PWD building ṭhiah rawtna file chu Chief Minister hnenah a thleng lo a ti a, “CM hnena file kal tur hi ka hnenah a thlen a ngai a, chumi hnuah CM hnenah, chumi zawhah ka hnenah a thleng leh ṭhin a, chuvangin ka hnenah a thleng lo a ni” a ti.

Hemi chungchang hi Parliamentary to Chief Minister Pu Lal Thanzara chuan nimin chhun khan Aizawl North III Block Conference-ah sawiin MNF hian Congress beihna an vai tawh a, Laipuitlang lemin te beih nan an hmang mai mai tawh a ni a ti.

Pu Lal Thanzara chuan Laipuitlang Local Council leh YMA hruaitute chuan PWD Bulding hi ṭhiah an duh thu lehkhain min rawn pe a, ṭhiahna order hi PWD hnenah ka thawn a, chumi hnuah Laipuitlang khawtlang hruaituten ka hnenah pawh lawmthu an sawi a ni” a ti.

Laipuitlang leimin chung-chang Magistarial Inquiry-in a chhuichian chu MNF chuan niminpiah khan chanchin-bumite kawmin “October 11, 2012 khan Laipuitlang Local Council leh YMA aiawhten PWD building ṭhiah rawtna hi thuneitute hnenah an thlen a, file-in CM a thlen lai hian CM hi awm lo mahse, he vanduai-na thlen ni May 11 thlenga CM leh amah thlawptu Parliamentary Secretary-te’n awmze neiin hma an la lo a, Laipui-tlang Local Council leh YMA aiawhten bialtu MLA, Pu H.Liansailova, November ni 8, 2012-a an hmuh ṭumin telephone-a a lo chhut zui tur thu a hrilh ringawt” an ti a, Pu Lal Thanhawla, Pu H.Liansailova leh Pu Lal Thanzara te chu bâng turin an phut a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram