Dik zawka LPG hmuh theih nan hma la

Saihaa Mara Student Orga-nisation, General Hqrs. chuan mipuiten dik leh felfai zawka eirawngbawlna Gas supply an hmuh theihnan hma an la.

Niminpiah tlai khan Saiha Vengpui II a Public Distribution point-a Mizofed-in Gas an sem te a hmuna kal chilhin a mal te tein an buk a, he huna Mizofed aṭanga phurh chhuah cylinder 102 aṭanga cylinder 47 te chu buk a tling lo a, heng buk tlinglo bur 47 aṭang bur 5 te phei chu a man tlawm pawha zawrh chhuah tlak lohah an ngai a, a dang bur 42 te erawh chu Legal  Metrology ten a man chhut chhuakin a man tlawmin mipui hnenah an zuar chhuak nghal a ni.

Thulakna tarlan danin, MSO hian eirawngbawlna gas endik hna hi ngawrh taka thawh an tum a, kar kalta khan an pawl President leh General Secretary te chu Mualkhang Bolting Plant ah kalin, thil kalphung an zirchiang a, chumi hnuah a theih ang angin hma an la nghal a, mipuite hnenah eirawngbawlna Gas buk dik taka hralhchhuah a nih zel theih nan hmalak zel an tum tih an sawi a, hemi kawngah hian mipuite ṭawiawmna ngenin a diklo tih hrereng chunga palzam tu ni lo a, a siamtha ngamtu ni theuh turin an ngen a ni

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram