Lokayukta Bill, 2014 ennawn tura ruat an nihna atangin PRISM inhnukdawk

PRISM chuan Law Minister leh Law Secretary hnenah leh-kha thawnin, Lokayukta Bill, 2014 ennawn tura ruat an nihna aṭangin an inhnukdawk tih an hrilh.

PRISM chuan February ni 19, 2014-a ‘Consultation on the Mizoram Lokayukta Bill, 2014’ neih hnua he Bill ennawn leh tura telh ve an ni chu ‘Lokayu-kta ha hriam tak leh seh thei ngei’ din a nih theih nan he Bill-ah hian rawtna ṭha an thun theih inbeiseiin lawm takin an pawm tih an sawi a, chutihlaiin February ni 25, 2014-a he Bill chungchang ennawn tura meeting koh a nihin sawmna pek an ni lo tih sawi-in, March ni 3, 2014-a meeting-ah sawmna an hmuh avangin an President a kal a, amah-erawhchu, hemi ni-a meeting-ah hian ’Lokayukta ha hriam tak nei, seh thei’ neih theih nana Lokayukta hnena thuneihna pek leh tha taka hna a thawh theih nana, Lok Pal hnuaia CBI dahluh ngenna ang a, a hnuaia Anti Corruption Bureau dah tur te, whistle blowers protection chungchang te a rawtna an siam te chu ‘thiltih theih loh’ ni anga an sawi tlat avangin – tuna Lokayukta siam tur hi tumah man tak tak thei lo tur, leh sawr-kar sum indaihlohna tizualtu tur satliah nia an ngaih avangin, a siamtu zinga tel nih an duh lo tih an sawi a, chuvang chuan, he Bill ennawntu tura ruat ve an nihna aṭang hian an inhnukdawk ta tih an sawi a ni.

Lokayukta ṭha ngei neih theih nana hma la tura ngenin, India Against Corruption-in an duan te, State dang thenkhatin an duan te, MZP kaihhruaina hnuaia duan te leh mithiam hrang hrangin an duh dan an ziah te behchhana he Bill siamṭhat dan tur rawtna kan neih te an thawn tel nghal bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram