Ngaizawlah pa eisual avangin chhungkaw pakhata mi 3 an thi.
Thulakna tarlan danin, Zirtawpni khan Ngaizawla Nianglammawia (30) leh a nupui Awingaihdini (28) bakah a û nupui Chianglammangi (31) te chuan an khaw ṭhenawm Neihdawna an kal hawin, kalkawngah Pa-pâr nia hriat an la a, zanah chhumin an ei a, a tuk Inrinniah an pum a nat bakah an luak bawk a, Khawzawl PHC panpui an ni a, niminpiah khan Nianglammawia hi ṭha chhuak zo lovin a thi a ni. He mi hnu hian a nupui Awingaihdini leh Chianglammangi te chu Champhai damdawiin panpui an ni a, damdawiin an thlen hnuah Awingaihdini hi a thi a, nizan hmasa dar 11 velah Chianglammangi hi a thi ve leh ta bawk a ni.
Ruang 3 te hi nimin chawhma dar 11 khan Ngaizawlah vui an ni a, Nianglammawia te nupa hian fa 5 an nei a, a upa ber chu kum 13 mi a ni.