Puerto Rico boxer Miguel Cotto chuan World Boxing Council middleweight world title chu Daniel Geale lakah a humhim.
Inrinni-a title inchuha inhnekah hian kum 34-a upa, Cotto hian Australian Boxer Geale hi Fourth Round-ah ṭum 2 zet a hnek tluk hnuah referee Harvey Dock chuan inhnek a titawp ta a, kum 34 mi. Geale hian a inhnek hnuhnung 5-ah ṭum 3 zet a chaklo ta a ni.
He inhnekah hian an inhnek chhung zawngin Geale lakah hian Cotto (40-4, 30 KOs) hi a chungnung hle a, a che pawh a rang zawk a, Cotto hian nikuma Sergio Martinez a hneh hnu khan inhekpui nei lovin ni 364 zet a awm a, kumin kumtawp lam hian pawisa tam tham tak hlawh theihna turin Mexican boxer Saul “Canelo” Alvarez inhnekpui leh tumin a inpuahchah mek a ni.