iBall chuan Thawhtanni khan an smartphone siam, mSLR Cobalt4 chu India-ah an tlangzarh a, he handset hi karleh lam khian India ramah Rs.8,499 vela lei theih a ni ang.
He Smartphone danglam bikna chu mSLR lens vuah thlak thleng theih tur 4 a keng tel hi a ni a, heng lens a ken telah hian Zoom lens 8x-a zoom theih te, Fish eye lens 175-180 degree te, Macro lens 10x (10-15mm minimum object distance) leh Wide angle lens (130 degree) te a tel a ni.
He Smartphone hi dual-SIM niin, Android 4.4 Kitkat a hmang a, 5-inch (540×960 pixels) qHD IPS display (with a pixel density of 220ppi) niin, 1.4GHz octo-core Cortez-A7 processor hmangin, 1GB RAM a ni a, 8GB inbuild Storage niin, microSD Card 32GB thleng a vuah belh theih a ni.
A Camera hmalam hi 8-megapixel, dual LED flash a ni a, secondary camera chu 3.2-megapixel a ni a, battery hi 2000mAH niin, 3G, Wi-Fi with Direct functionality, GPRS/ EDGE, GPS/ A-GPS, Micro-USB, FM radio, leh Bluetooth 4.0 te a awm a ni.