Meidum-a ONGC hnathawh en

Thawhlehni tlai khan Rajya Sabha MP Pu Ronald Sapa Tlau, Parliamentary Secretary Pu Hmingdailova Khiangte, Parliamentary Secretary Pu K Lalrinthanga leh ZIDCO Chairman Pu PC Zoram Sangliana te chuan Meidum-a ONGC ten lei hnuai hausakna, oil leh gas zawnchhuah hna an thawh mek chu a hmuna kalin an hmalaknate an en.
A hmuna an mahni lo dawngsawngtu ONGC officer-te chuan oil leh gas an zawn dan kalhmang leh ruahmanna an neih te hrilhfiahin hmachhawp an neih leh thawh zel an tum dan te an lo hrilh a. Tuialhthei leh gas zawnchhuah hna hi hun rei tak duh thil a ni a, hman-hmawh theih chi a ni lova, sample an hmuh ang te chu uluk taka zirchhian te a ngai a, hmun khata leiverh chuahin heng thil a tam dante sawi theih leh chhut theih a ni lova, hmun engemaw zata lei an verh leh heng atanga sample an lakchhuah an zirchian hnuah chauh a tam dan an chhut thei dawn a ni, an ti a. Heng hmunah hian oil leh gas tam tham tak lo hmu pawh nise a taka lakchhuah leh a taka Mizoramin a chhawr theih tur chuan kum engemaw zat a duh tur thu MP leh MLA te hi an hrilh bawk a ni.

MP leh MLA te hi Kolasib-a officer ṭhenkhat leh khawtlang hruaitu ten an tawiawm a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram