Mizoramin hmarchhak biala hna a thawh ṭhat ber vangin ADB loan pek chhuah cheng vbc. 690.27-a tihpun a ni:UD&PA Minister

UD&PA Minister Pu Zo-dintluanga chuan Mizoramin hmarchhak bialah hmasawnna hna a thawh ṭhat ber avangin Asian Development Bank loan pekchhuah chu cheng Vaibelchhe 690.27 a tihpun a ni a ti.
He thu hi Inrinnia Aizawl Press Club-a Press mite a kawmnah a sawi a, Pu Zodin-tluanga chuan North East State khawpuite tihhmasawn nan State tinah State Investment prog-ramme Management & Implementing Unit (SIPMIU) din vek a ni a, project thawh tur te ṭhuang 3 – Tranche-I, Tranche-II leh Tranch-III a ṭhen a ni a, Mizoramin Tranche-I leh Tran-che-II hnuaia a thawh tawh leh thawh mek te tha taka a hlen chhuah avangin Mizoram tana pawisa hman tur ruahman sa Vbc. 330 chu Vbc. 690.27 a tih pun niin North East tana hman tur zat pumpui cheng Vbc. 1390 aṭanga chhutin Mizoram chan-vo hi zaa 49.65 a tling a ni a ti.

Ministry of Urban Development chuan ADB sum pukin, khawpui chhung tih hmasawn nan North Eastern Development Programme (NERUDP) chu kum 2003 atang khan ruahmanna a siam a. NERUDP hnuaiaah hian khawpui tih hmasawnna hrang hrang- Water Supply, Sewerage & Sanitation leh Solid Waste Management te, development urban institutions and capacity building te a tel a.

SIPMIU Project Director Pu Valbuanga sawi danin, kum 2018-ah chuan Aizawl Greater Water Supply Scheme Phase-I leh Phase-II aṭanga tui pek chhuah a indaih dawn loh nasat em avangin siamṭhat an tum dawn tih a sawi a, tui lakna hi Reiek kai aṭanga ti tawh lovin Setlak Lui chhuah aṭangin lak tawh tura ruahmanna siam mek a ni a, Aizawl Water Supply Distribution Network Project 1- leh 2 in a thawh bak siamṭhatna tur leh darkar 24 chhung tui haw theihna tur atana hmalak-na siam mek a ni tih a sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram