Nimin zing khan Bihar-a Palamu District-ah Police-ten helho an beih-naah Nalxal hel pawl nia rinhlelh mi 12 an kâp hlum.
He thil thlenna hmun hi Bakoria khua, Bihar khawpui Ranchi aṭanga Km. 140 vela hlaa awm niin, zing lam dar 2:30 vela thleng a ni a.
Police te chuan Naxal hel pawl te chua helai hmun hi Mahindra Scorpio hmangin an paltlang dawn tih thu an dawn bawhzuiin, sipai ṭha bik, CoBRA battalion leh District Police-te chu helai hmunah hian tirhluh an ni a, he motor hi an lo châng a, helho hian sipai te hi an hmuh ve leh motor aṭanga chhuakin silai an kap nghal a, sipaite hian chhâng lêt ve nghalin darkar 1 vel an inkap a, Naxal hel 12 hi an kap hlum a, an inkahna-ah hian ralthuam 8, INSAS rifle telin an man tih Police te chuan an sawi bawk.
Nikum April khan Naxal te hian Lok Sabha inthlana duty haw lam Police motor an lo lambunn-aah Police 6 telin mi 8 an lo kaphlum tawh a ni.