MAP Dy. Commandant leh a driver kutthlaktua puh mi 6 man

Inrinni zana 3rd Battalion MAP Dy. Commandant Pu PC Lalduhthlanga leh a driver David Rodingliana kuthhlak rawntu nia puh mi 6 te chu man kim an ni tawh.
Police hotu kutthlaktua puhte Aizawl Bungkawn venga awm vek an ni a, 3rd Bn. MAP aṭanga bân tawh Lalrindika (32), C.Lalremruata (24), Peter Lalchhandama (26), F Lalrinsanga (28), Lalrosanga (35) leh Lalthapuia te an ni.

Pu Lalduhthlanga te pahnih hi Inrinni zan dar 12:30 pelh khan CID complex duty an tlawh zo an in pana an haw thla chu Bungkawn kawngpui thlen chiah pengṭhuama kawngsirah car lo dingin, helna tur lamah a kawng vâng tan zawngin scooty an dah bawk a. Driver in horn vawi khat an pe a, hetah hian kut an inthlak ta niin Police chuan an sawi.

Police sawi danin Driver hi a ha pathum a nghing a, Dy. Commandant ha hmai a bung a. Hliam lian tham lo dang tlem an nei bawk a. Hemi hnu hian Aizawl Police Stattion ah FIR thehluh a ni a, Inrinni zan leh nimin khan kutthlak tute hi man zui an ni a, nimin khan Police Station-a thu zawh fiah tura hreng rih turin Court-a dil a ni.

Leave a Reply

This site uses Akismet to reduce spam. Learn how your comment data is processed.