Tunlai hian Serchhip khaw chhungah Gas a harsa hle mai a, hei hian mipuite harsatna nasa tak a siam a, chuvang chuan Serchhip District Consumer Association te chuan hetianga Gas kan harsat chhan hi mipuite inhrilhhriat a tulin kan hria a.
Serchhip ah hian Mizofed te hi kan Gas Agency awmchhun te an ni a, Mizofed lo Agency dang awmbelh tur hian Consumer hruaitute chuan theihtawp kan lo chhuah tawh thin a, amaherawhchu Serchhip population in a la zawh loh avangin thuneitu lam chuan Agency thar hi min la pek belh thei rihlo niin an sawi. Tunah hian Mizofed te hian dan pangngai ang chuan Serchhip khaw mipui chawm tur hian thla khatah Gas trip 13 (hei hi Serchhip Quota a ni) hi IOC lam atangin a rawn thlen a ngai a. Chutih lai chuan June thla kalta khan Gas trip 7 a rawn thleng a, July thla kalta khan trip 6 chauh a rawn thleng thung. Hetiang hi anih avangin Serchhip-ah Gas hi a harsa ta em em a ni. Hetianga Gas rawn thlen thatloh chhan hi Consumer leh Mizofed te chuan theihtawpin chinfel tumin hma kan la a, kan Deputy Commissioner te pawh sawipuiin ani ho hian IOC lam hotute pawh biak an ni a. IOC lam hotute sawi dan chuan Gas kan harsatna chhan hi a Gas van vang ni lovin a phurtu lam ten an phurh that duhloh vang niin an sawi a. Hei hi chinfel tumin hma an la mek tawh an sawi bawk.
Hetiang hi thil awmdan anih avangin Gas hi engtikah nge kan hnianghnar dawn tih hi a sawi mai theihloh a, chuvang chuan mipui te hrethiam hram hram tur leh kan eirawngbawlna Gas neih chhun te renchem hram hram turin kan inngen a ni e.
Sd/- Sd/-
(LALDINPUIA) (H.ZONUNTLUANGA)
Secretary President
Serchhip District Consumer Association, Serchhip