Mizo Zaimi Inzawmkhawm dinchampha (Rising Day) vawi 37-na pualin nimin khan Mizo Zaimi Inzawmkhawm (MZI) Serchhip Hqrs chuan a mamawh apiangte hman atan Serchhip Hospital Blood Bank-a dah turin thisen an pe.
MZI Hqrs Serchhip hian nimin tlai lam khan an pawl member te inhmuhkhawmna hun an buatsaih a, pawl hma-lak zel dan tur te sawiin, infuih-tharna hun te an hmang a ni.
Serchhip MZI Hqrs. hian Mizoram puma Zaimi Insuihkhawm Pawl-ten Rate inang tlanga zai lawmman kalpui tura an tih chu Serchip District chungah pawh kalpui ve nghal nise tiin lungrual takin an lo passed tawh a, sawrkar leh NGO Pawl dangten Function leh thiltih khawm hrang hranga zaithiam an sawmnaah rate inangin khaw chhungah Rs.3,500/- leh khualkhua (zanriak chhuakah) ah Rs.10,000/- nise an ti a, hei hi Kohhran leh Pawlin Charity leh Vehbur khawnnaah te chuan a huam lovang a, zan riak chhuakah pawh Zaia an zinna tur khua a hlat dan azir leh programme an hman dantur azirin inbiakrem ṭhin nise an ti bawk.