Mamit District-a Police Station hrang hrangah lirthei kawl an awm mumal loh avangin Police ten pawi-khawihtu man leh chhui zuina kawngah harsatna an tawk.
Thulakna tarlan danin Mamit District chhungah hian Police Station 5 – Mamit, W.Phaileng, Kawrthah, Kanhmun leh Marpara bakah Zawlnuam Out Post te a awm mek a, heng police station-te hian lirthei an neih mumal loh avang leh an neih chhun pawh a hlui tawh hlawm avangin mipuite beisei angin Police ten hna an thawk ṭha thei lo niin thulakna chuan a tarlang a, kar kalta Thawhlehni-a Darlak khuaa School rawk thubuaiah pawh Kawrthah Police Station-ah FIR thehluh nimahse, Kawrthah Police Station hian motor an neih loh avangin Mamit Police Station chu hma la turin an ngen a, Mamit Police Station pawhin motor hman tur an neih chuan loh avangin tun thlengin FIR hi bawhzui a la ni lo niin thulakna chuan a tarlang a ni.