Pathianni-a ATP Finals khelh zawh takah Stefanos Tsitsipas chuan Dominic Thiem laka set hmasa ber a hloh hnuah lehthal lehin a career-a title ropui ber a la ta a, kum 18 chhunga ATP Finals title la thei naupang ber a ni ta bawk a ni.
Greek kum 21 mi, Tsitsipas hian 6-7 (6-8), 6-2, 7-6 (7-4)-in kum 26 mi, Thiem hi a hneh a, 2001-a Australia’s Lleyton Hewitt hnu-a season-ending championship-a champion leh thei naupang ber a ni a, prize money £2m chuang a hâwn a ni.
Tsitsipas hian nikum khan kum 21 hnuai lam tennis player ṭha zualte season tawpa an inelna, NextGen-ah a lo champion tawh a, kuminah hian khawvela tennis player ṭhate inelnaah a champion zui leh thei a, he tournament-a inlan vawi khatnaa champion nghal thei pasarihna niin, champion thei naupang ber parukna a ni bawk.
ATP Finals-ah hian a zawnin kum 4 chu champion thar an awm ta zel a, a hmaah hian Andy Murray, Grigor Dimitrov leh Alexander Zverev an lo champion tawh a, tunah chuan Grand Slam title lak a tum dawn a ni.
Doubles-ah French pair Pierre-Hugues Herbert leh Nicolas Mahut-te ṭangdun chu an champion a, final-ah hian 5th seeds Raven Kla-asen of South Africa leh New Zealand’s Michael Venus-te ṭangdun chu 6-3, 6-4-in an hneh a ni.