Zothlifim Logo
Loading ...

Tripura relief camp a Bru awmte hruaikir hna thawh mekah tun thlengin chhung-kaw 221 a mi 892 hruaikir an ni tawh a, lokir tur an awm leh awm loh hriat a ni lo.

Home department-a thawk-te sawi danin Zirtawpni leh nimin lamah te pawh khan mahni duhthu a lokir pawh an awm tawh lova, chhungkaw 4,447 hruaikir tura ruahman zingah chhungkaw 221 chauh an lo la kir a, chu pawh tam tak chu sawrkar official-te hruaikir ni lovin anmahni a a ruk-a-ral deuhva lo kir an ni. Tun thlenga lokirte hi mi 541 chu puitling an ni a, 351 chu naupang an ni a. Chhungkaw 134 hi Mamit district-ah inbenbeltir an ni a, Lunglei district-ah chhungkaw 68 leh Kolasib district-ah chhungkaw 19 te inbenbeltir an ni a. Bru hruaikir hna hi October ni 3 aṭanga ṭanin dodalna leh kawng dante a awm chungin kalpui zel a ni a, tun thla ni 30 hian zawh fel tura ruahman a ni a. Lo kir lo an la awm pawhin hruaikir hna hi tihtawp tawh tur a ni.