Mizoram ramhmul damdawi dap chhuak turin sawrkarin hma a la mek:Health Minister

Health & Family Welfare Minister Dr. R. Lalthangliana chuan hman ṭangkai theih ramhmul damdawi ṭha tak tak Pathianin Mizoram-a a dahte dap chhuah a nih theih nan sawrkarin theihtawp a chhuah mek, a ti.

National Medicinal Plants Board, Ministry of AYUSH hnuaia din, State Medicinal Plants Board (SMPB) Mizoram nimina an ṭhutkhawmnaah he thu hi sawiin, Minister chuan ram hmul damdawite dap chhuah kawnga a kut ke ber ni turin State Medicinal Plants Board chu thuam famkim chhoh zel a ni dawn a, SEDP hnuai atangin an sum mamawh pawh a ṭul dan ang zela dapsak dan kawng zawn a tul a ni, a ti.

Ṭhutkhawm zawhah Minister Dr. R. Lalthangliana hian National Campaign on Tinospora Cordifolia (Hrui-vankai) Project a hawng a ni.

Principal Director Health & Family Welfare Department, Mass Education and Media Section thuchhuahin a tarlan danin, Tinospora cordifolia (hruivankai) hi Indian System of Medicine-a ramhmul damdawi hman ṭangkai leh ngaihhlut ber pawl a ni a, a ṭhatna tam tak zingah mihring taksain natna a do theihna khawl tichaktu pawimawh tak a nihna chu a langsar ber a ni. A zung leh a kuang hi damdawi atana hman ber niin, Ayurveda damdawi tam tak siamchhuah nana hman a ni a; Herbal Antibiotics tih hiala chhal theih ramhmul damdawi ṭha a ni

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram