Tun season-ah Champions League knockout stage khelh zawh a la ni lova, chuti chung chuan champion lai, Liverpool chu season tharah Champions League an khel dawn tih an tichiang ta a, season thara Champions League khel thei tur hmasa ber an ni.
Thawhṭanni zana Chelsea-in Manchester United an hneh loh avangin Premier League hmahruaitu Liverpool hi Premier League game khelh la awm, match 12-ah chaklo vek mahse top 4 aia hniamah an awm thei dawn ta lova, tunah hian pangana-a awm Tottenham aiin point 36 ngawtin an sang tawh a, tunah hian point 76 an nei mek a ni.
Tunkar tawp hian Chelsea chuan Spurs an hmachhawn dawn a, Spurs hian Chelsea an hneh a, an game khelh tur zawng zawnga an chak vek a, Liverpool hi an chaklo vek a nih chuan tuna Liverpool point hi an nihrual thei hrâm dawn a, chutihlai chuan Chelsea hi Spurs an hneh loh hnua an chak vek a, Liverpool an chaklo vek a nih pawhin Liverpool hnuaiah point 74 an hmu pha hram tawh dawn a, chuvangin Liverpool tan hian top 4-a awm loh theihna chance a awm tawh lo a ni.