Dr. C.Zarzokima, District Veterinary Officer, Serchhip District chuan Lockdown laiin chhinghne rualin Sailulak khaw mite vulh, sial note 12 an seh tawh a, hliam pahnih an nei tawh tih a sawi bawk.
He thu hi nimina Serchhip District Level Task Force on Covid-19 ṭhutkhawmnaah a sawi a, Sailulak khua hian Sial hi a vaiin 297 an vulh mek tih sawiin, a note man anga chhûtin, chinghniaten sial note an seh hlum hi cheng nuai 2.8 man hu ni tawha chhut a ni a. District Task Force chuan heng ran hlohtute chhawmdawlna awm thei ang ngaihtuahsak dan zawn ni se an ti a, a venna lam pawh a theih anga ṭhaa kalpui dan dap ni se a ti bawk a ni.
DVO hian lockdown chhunga AH & Vety Deptt. hmalakna pawh a tarlang a, meeting chuan district-a ran chaw stock leh lo kal mekte chu daihzai taka ran vulhtute hnena sem a nih theih nan AH & Vety Department chuan mawh lo la mai se, a tul angin a hralh chhuahna lam lo enpui se tih a ni.