Football thuthang (1.5.2021)

@ Borussia Dortmund chu Brighton English defender Ben White, 23, lakluh tum zingah an tel ve leh a, Paris St-Germain, Manchester United leh Arsenal-te pawhin an ngaihven a ni. (Sun)

@ Barcelona leh Brazil midfielder Philippe Coutinho, 28, chuan mite rin loh takin, Merseyside lama kira Everton chu £35m-a zawm a tum a, kum 28 mi hian kum 2018 khan £142m-in Liverpool aṭangin Barca hi a zawm a ni. (Sun)

@ South Korea forward Son-Heung-min, 28, chuan Tottenham-ah contract pawhsei a remti hnai tawh. (Star)

@ Inter Milan chuan Manchester City hnenah Belgium striker Romelu Lukaku, 27, lei an dilna chu bengkhawnsak an tum lo tih an hrilh. (Calciomercato)

@ Lukaku hi a club hlui Chelsea nen pawh sawi zawm an ni a, Chelsea hian an player man to ber ni turin he forward hi £105m-in an lakluh a ngai dwn a ni. (Mail)

@ Nikum nipuia Barcelona aṭanga Atletico Madrid zawmtu, Uruguay striker Luis Suarez chuan Lionel Messi hnenah Nou Camp-a châm zel turin a hrilh. (TV3)

@ Barcelona chuan kum 33 mi hi kum 10 daih contract zawrh tumin an sawiho a, Messi pa leh Barca president Joan Laporta-te chuan inbiakna beiseiawm tak an nei mek a ni. (Times)

@ Real Madrid chuan Austria defender David Alaba, 28, chu kumin nipuia Bayern Munich-a a contract a hman zawh hnua free transfer-a an lakluh tur thu puan tumin an inpuahchah. (Mundo Deportivo)

@ Tottenham chuan Erik ten Hag chu an manager thar atan dawr an duh a. Kum 51 mi hian kum 4 chhung Ajax a enkawl hnuah chona thar hmachhawn turin a inpeih a ni. (Guardian)

@ Hetihlai hian Leicester manager Brendan Rodgers chuan Nilaini khan Tottenham lam a ngaihven loh thu sawi mahse Spurs hian lak an la tum zui zel. (Mail)

Leave a Reply

This site uses Akismet to reduce spam. Learn how your comment data is processed.