Aurina hmangin faina leh thianghlimna kawnga inzirtirna hun hmang

October ni 2, 2021 aṭanga Faina Hapta (Cleanliness Week 2021) hman mekah nimin khan UD & PA Department, Serchhipa thawktute chuan Serchhip khawpui hmun hrang hrangah aurinna hmangin faina leh thianghlimna kawnga inzirtirna hun an hmang.

Nimina Serchhip khawpui hmun hrang hranga aurinna hmanga mipuite hnena zirtirna peknaah hian chhungtinte chu an bawlhhlawh ṭawih thei leh ṭawih thei lo leh plastic lam chite a hranga khâwlna tur bawlhhlawh bawm nei a, lo thliar hrang tur te, bawlhhlawh ṭhenkhat hman nawn theih chite hman ṭangkai dan zir turte, plastic lam chi bawlhhlawhte chu UD&PA Department-in a sawngbawl tur atana lo khawl tur te, vantlang inthiarna hmun vawng fai tur te, plastic hman nawn theih loh leh, polythene pan chite chuan leilung a tihchhiat nasat avanga hmang tlem zel turten mipuite an sawm a ni.

Faina Hapta hmanna kal zelah hian vawiin hi chhungkaw tinte tan mahni in leh a vel tihfaina ni atan hman a ni dawn a ni.

Leave a Reply

This site uses Akismet to reduce spam. Learn how your comment data is processed.