ZMC Director John Zohmingthanga chuan Covid-19 dona kawnga ZMC-a thawk volunteer-te hlawh tur sawrkarin a release fel tih Inrinni khan a sawi.
ZMC Director chuan, ‘Covid-19 dona kawnga ZMC-a hnathawk volunteer te lawmman tur (August leh September, 2021) cheng nuai 60.28 chu sawrkarin a rawn release a, sawrkar sum harsat lai, sawrkar hnathawk tam takte pawhin hlawh an lâk tlai leh lâk theih loh laia a ṭulna min hriatthiampuia kan mamawh sumte min ngaihtuahsak zung zungtu Finance Department leh a changtu kan Chief Minister-te chungah ZMC aiawhin lawmthu kan sawi e,’ tiin thuchhuah a siam a ni.
Casual worker (volunteer) te hlawh chu – Staff nurse-in Rs.22,000/- hlawhin, Gr IV-in Rs.8000/-, Lab Tech-in Rs.15,000/- leh DEO-in Rs.15,000/- an hlawh a ni.