Manchester City full-back Joao Cancelo chuan contract thar a ziak a, Etihad Stadium-ah kum 2027 thleng châm a tum a ni.
Cancelo hian kum 2019 khan Juventus aṭangin City hi a zawm a, a contract hmasa zawk kha kum 2025-a tawp tur a ni a, Juventus tan khan match 106 khel hmanin, major trophy pathum a chawi hman a, City a zawm hnu hian Premier League title ṭum khat leh EFL Cup ṭum hnih a chawi leh tawh a, tun season-ah City tan hian competition hrang hrangah match 30 inlanin, goal 3 a thun tawh bakah mi dang goal thun tur siamsak pariat lai a nei tawh bawk a ni.
Portugal international kum 27 mi hian, “Contract thar ka ziak hi ka lawm tak zet a, he hmun aia football khelhna tur ṭha dang a awm chuang lo,” tiin a sawi.