Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Mizoram tana Telecom Project hrang hrang sawiho – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

Lok Sabha MP C.Lalrosanga chuan Nilaini khan Department of Telecomunication (DoT) office, Aizawl Khatla tlawhin Telecom hotute nen Mizoram tana Telecom Project hrang hrang an sawiho.

Telecom department hotute chuan an hmalakna hrangte an sawifiah a, an sawi dan chuan Mobile signal awm lohna khua ten signal an neih theihna turin Comprehensive Telecom Development Project (CTDP) kalpui mekah, signal awm lohna khua 252 ten signal an neih theih nan mobile tower thar 227 bun belh tura hmalak mek a ni a; Universal Service Obligation Fund (USOF) Project hmang hian mobile tower 214 din fel tawh a nih bakah khaw 232 in signal an nei thei tawh a, khaw 161 atan Mizoram sorkar nen tang duna hma lak mek a ni bawk.

BharatNet Project hmangin khaw 41 chu Optical Fiber Cable a thlun zawm a ni a, khaw 417 te tan Satellite terminal bun fel tawh a niin hei hi hman tangkai thuai a nih theih nan Sorkar in chak zawkin hma la se an duh tih deptmartment hotute chuan an sawi a.

Prime Minister’s Wi-Fi Access Network (PM-WANI) hi Telecom Department kaltlang lova mipui vantlangin internet an hman theih nana hmalakna a nih avangin tlawm zawka mipuiin internet an hman theih nan leh eizawnna peng thar atana chhawr tangkai a nih theih nan Mizoram sorkar nen hma lak a tul thu MP hi an lo hrilh a. Tlangram kawng tha tawk a awm rih loh avangin Electric Power line ground wire te chu Optical Ground Wire-a thlak turin Mizoram sorkarin hma la se an duh tih department hotute chuan MP hi an hrilh bawk.