Nimin khan Serchhip District-ah Covid-19 hri kai mi 198 hmuhchhuah belh leh an ni a, heng zinga 93-te hi Serchhip khawpui aṭanga hmuhchhuah an ni.
Heng bakah hian Then-zawlah 22, N.Vanlaiphaiah 18, Bungtlangah 23, Chhiahtlangah 13, Buang-puiah 10, Chhingchhipah 7, Kanghmunah 6, Pilerah 3, Thentlangah 2 leh Lung-chhuanah 1 hmuh belh an ni a, hengte nen hian Serchhip District-a hri kai hmuhchhuah tawh zawng zawng chu mi 11,861 an tling tawh a, hetihlai hian nimin khan Serchhip District-ah hri kai enkawlna hmun aṭangin mi 226 chhuahtir an ni a, heti hian District-a hri kai hmuh chhuah zinga enkawl dam tawh zat chu mi 10,961 niin, enkawl dam hi hri kai tawh aṭangin 92.41% a ni a, hri vei enkawl lai mi 871 an la awm a, Serchhip District-a hri kai boral hi mi 29 an awm tawh a ni.