Skip to content
Home » Chanchinthar » Addl. DC hovin puakthei thil leh silai zuartute thukhawm

Addl. DC hovin puakthei thil leh silai zuartute thukhawm

Nimin khan Lawngtlai DC Conference Hall-ah Additional Deputy Commissioner James Miahlung hovin Lawngtlai District chhunga puaktheithil hman phalna nei (explosives licence holder) leh, silai leh a mu zuar (arms & ammunition dealer licence holder)-te an ṭhu khawm a, dan leh hrai leh hriat tur pawimawh hrang hrang inzirtirna leh sawi hona hun an hmang.

James Miahlung chuan sawrkar laipui thu chhuak anga ṭhutkhawm chu buatsaih a nih thu sawiin, puaktheithil leh silai chu a duh tana hman sual theih leh pawi khawihna atana hman theih, ram chhung ralmuanna tichhe thei a nih thu a sawi a, licence holder kal khawmte chu an mawhphurhna a sanzia leh fimkhur a ṭul dan hrilhin, danin a phal chin leh dan ang taka an licence chu hmang turin a chah a ni.

Lawngtlai Sub-Divisional Police Officer Beimosia Lapi chuan puakthe ithil leh silai hman leh zawrh chungchanga hriat tur pawimawh leh dân bawhchhia hremna dân hrang hrang a sawi a. Sub-Deputy Commissioner H.Vanlalbiakzauva chuan office aṭanga licence an pek chhuah ṭhin dan report a pe bawk.

He hunah hian licence holder-te chu an licence original copy kenga kal khawmin, an stock dinhmun report an pe a, felfai taka district chhunga puaktheithil leh silai hman leh zawrh a nih theih nana thil pawimawh hrang hrang sawi ho a ni.

Lawngtlai District chhungah hian tun dinhmunah puaktheithil hman phalna nei (explosives licence holder) mi 14 awmin, lung lakna (quarry)-a hman tur a ni tlangpui a. Silai leh a mu zawrh phalna nei (arms & ammunition dealer licence holder) mi 2 an awm bawk.

Leave a Reply

This site uses Akismet to reduce spam. Learn how your comment data is processed.