Chakma Autonomous District Council (CADC), Chief Executive Member atan Buddha Lila Chakma chu nimin khan Lawngtlai Bawrhsap, Amol Srivastava chuan rinawmna thu tiam tirin a la lut.
Thla hlui ni 9-a CADC Budget Session neihah CEM Rashik Mohan Chakma chu rintawk lohna motion pu lutin paihthlak a nih hnuah, Term khat chhunga CEM 5-na ni turin nimin khan Buddha Lila Chakma hi lakluh a ni.
10th CADC hi kum 2018-ah inthlangin CEM hmasa ber, Santi Jiban Chakma chu Rashik Mohan Chakma ahuan a thlak a, a hnu reilo teah Durjya Dhan Chakma-a’n thlak lehin Rashik Mohan Chakma hian a thlak nawn leh a, hun reilote chhung rorelna fawng vuanin Budhha Lila hian a thlak leh ta a ni.
Buddha Lila Chakma hi Vaseitlang MDC Constituency aṭang thlantlin niin, CEM nihna te, Chairman leh Executive Member-te pawh lo ni tawh a ni a, CADC-ah hian CEM ṭum hnih a nihna tur a ni.
CEM atana lak luh thar Buddha Lila Chakma chuan hruaitu hmasate zahna chibai a buk a, sawrkarna ṭha taka kalpui an tum thu sawiin, hna thawhna tur Budget siam a nih angin eirukna awm lova hma an sawn theih nan hma lak a ni ang, a ti.
CADC ah hian rorellai MNF party chuan member 20 neiin MDC zawng zawng hi MNF vek an ni a, tun term chhungah hian CEM ṭum 4 pahthlak a ni tawh a, nimina CEM lakluh hi tun sawrkar chhunga CEM lakluh ṭum ngana a ni.