Serchhip NGO Co-ordination Committee huai-hawtin Inrinni khan Ser-chhip NGOCC-in Serchhip District Hospital Building thar sakna hmun atana an thlan, Chhiahtlang VC huam chhunga awm, Bukpui ram samfai hnatlangpui neih a ni a, hnatlangah hian mi 300 vel thawk an thawk chhuak a ni.
He hnatlangah hian Serchhip khawpui chhunga YMA branch hrang hranga member te, MUP, MHIP, MZP leh MSU member-te thawk chhuakin, kum 70 chung lam mi 5 thawk chhuak an awm bawk a, Chhiahtlang North leh South VC-ten hnatlannaa hman turin JCB an tum a, NGOCC chuan hnatlanga thawk chhuak leh hnatlangte mamawh tur tumsaktute leh, ei leh in buaipuitte chungah lawmthu an sawi a, sawrkar hmalaknaa hospital building sak hna pawh ṭan thuai an beisei tih an sawi.