Skip to content
Home » Chanchinthar » MZI-in an din champha an lâwm

MZI-in an din champha an lâwm

Nimin kha Mizo Zaimi Inzawmkhawm (MZI) din champha vawi 42-na a ni a, MZI Serchhip Hqrs. pawhin he ni pual hian SIRD Conference Hall, Tarpitlangah hun hmangin, Serchhip District Hospital Blood Bank-a dah turin thisen unit 8 an pe bawk

MZI Serchhip Hqrs. hian chawhma lamah Blood Donation Camp hi buatsaihin, chawhnu lama SIRD Conference Hall-a an din champha puala hun an hmannaah an president, K.Saitluanga chuan MZI-te chu danglamna bik riau nei – Specialist Group an nih thu a sawi a, thu leh hla chu kan culture pholanna te, lungngaihna leh lunglenna kai thotu a nih thu te sawiin, tunlai khawvelah thu leh hla pawimawhna chu sawifiah senrual a nih loh thute a sawi a, MZI member-te hmasawnna tura a ngaih pawimawhte a sawi bawk.

An pawl Vice President Lalremruata Ralte kaihhruai inkhawmah hian MC Lalṭanpuia, Adviser chuan thu a sawi a, R.Lamuansanga, Asst Secretary chuan an pawl hmalakna leh hmachhawp kal mek report tawi a pe bawk a, zai leh intihhlimna hun an hmang bawk a ni.

Tun dinhmunah MZI Serchhip Hqrs hnuaiah hian MZI Branch 3 (Chhing-chhip, Sailulak leh Khawbel) awmin, Sub Hqrs 2 (Then-zawl leh E.Lungdar) an awm a, Serchhip Hqrs. huam chhungah hian MZI member 57 an awm mek a ni.

Leave a Reply

This site uses Akismet to reduce spam. Learn how your comment data is processed.