Zothlifim Logo
Loading ...

Nimin khan District Legal Sevices Authority (DLSA) bultumin Krishi Vigyan Kedra (KVK) Serchhip District N.Vanlai-phaia mithiamte nen Serchhip District Jail, Chhiahtlangah ‘Skill Development Training’ neih a ni.
Training hawnna inkhawm tawi hi District Legal Services Authority (DLSA) Secretary, Josangzeli Tlau chuan kaihruaiin, Serchhip District Chief Judicial Magistrate (CJM) R.Malsawmdawngzuala chuan a hawng a ni.


Training hun khatnaaah hian Dr. T.Vanlalngurzauva, Sr.Scientist & Head, KVK, N.Vanlaiphai chuan KVK nihphung leh an hnathawh dan tlangpuite sawiin, Dr. C.Lalremruata, Animal Science-a Subject Matter Specialist (SMS) chuan ‘Skill Development Awareness under Veterinary Science’ tih thupui hmangin Vawk, Ar leh kel hlawk zawk leh awmze nei zawka vulh dan chungchangah zirtirna pe-in, Kenny Zohmingliana, SMS (Agronomy), KVK N.Vanlaiphai hnen atangin ‘Job Opportunities Agriculture and Allied Science’ tih thupui hmangin awmze nei zawk leh hlawk zawka thlai chin leh thar dan a zirtir bawk.


Training hun hnihnaah K.Lalmalsawmi, SMS (Home Science) chuan Sahbawn tui siamdan a taka tichhin chungin a zirtir a, Jeffrey Lalhmingmuana, Programme Assistant-in Pa khawi dan a takin zirtirna a pe bawk.


District Jail-a Skill Development Training hi lung in tângten Jail an chhuahsan hunah pawh kutthemthiam-na nei chunga an hmalam hun an hman chhoh zel theihna tura ruahman a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117