Zothlifim Logo
Loading ...

MNF Youth Front chuan Mizoram College of Nursing (MCON) leh Thingdawl-a General Nursing & Mid-Wifery building sak danah felhlel a awm ni a sawiin, hemi chungchang chhui chiang turin nimin khan Anti-Corruption Bureau ah FIR an thehlut.

MNF Thalai President, Pu PC. Laltlansanga leh a thawhpui ten ACB SP Pu John Zothansanga hnenah thehlutin, hetah hian Falkawn-a Mizoram College of Nursing building sak mek leh Thingdawl-a General Nursing College & Mid-Wifery building sak mek-a hna inpek dan leh, Tender ko lova hna semah department dan leh hrai palzutna chungchang chhui chhuah sak turin an ngen a ni.

Hemi chungchang MNF \halai te sawi danin, Mizoram sawrkara Finance Department thuchhuahah, Department hrang hranga Technical Wing, Executive Engineer nei chin ten an hnathawh theih chin Cheng Nuai 30 a nih laiin, MCON Falkawn-a sak mek chu Estimate zat Vaibelchhe 2.442 a ni chungin, he hna hi Departmental Work a sak a ni a, dan palzuta Tender ko lohva Departmental Works-a thawh a nih chhan chhuichhuak a, a hlawkna têltu man chhuaka a \ul anga hrem ngei ni se an ti a ni. Thingdawla General Nursing & Mid-Wifery Building Cheng Vaibelchhe 2.498 senga sak mek pawh NRHM Financial Norms kalha Tender ko lova pek anih avang leh NRHM Financial Norms ah Building leh Construction Works reng reng Estimate nuai 20 aia tam chu Tender siam lova hna pek khap tih a ni chunga, he hna pakhat hi Estimate hrang hranga siama Work Order 12 a \hen sawm a nih chhan chhui chhuaka, a hlâwkna têltu man chhuak ngei tura ngenna an siam bawk a ni.