Kan ran vulh khuahkhirh kawngah i \hangharh ang u

Serchhip District chhunga ran khuahkhirhna thupek hi \um engemawzat chhuah alo ni tawh \hin a, amaherawhchu mipui lamin thupek hi an zawm \hat \hin loh bakah thupek kengkawhtu lam pawhin an kengkawh \ha tawk lo \hin a, ran khuahkhirhna thupek chhuah ngun a nih tawh ang hu-in ran khuahkhirh kawngah hian hma kan sawn lo hle a, District chhung khaw dang chu sawi loh, District Capital, Serchhip-ah ngei pawh hian Ran Khuahkhirhna thupek chhuah a nih pawhin awmzia a nei thuilo \hin hle a ni.

Mipui vantlang hmuna zalen taka kan ran vulh te kan tlattir \hin hi thianghlimna atan a \hat loh bakah mipuite himna leh hriselna atan pawh a \ha lo hle a, mihring ran vulh te hian mihring tana hlauhawm hri \halo tak tak an pu darh thei a, ui a seh phei chu a hlauhawmzia mitin hriat a ni.

Hei vang hian ran vulhtute hian kan ran vulhte hi kan \henawm khawveng leh midang tan hnawksak an nih bakah keimahni leh midangte hriselna tichhe thei an ni tih hria a, kan ranvulh te khuahkhirh nachâng kan hriat a pawimawh hle a ni. Tin, ran khuahkhirhna thupek chhuah ni lo mahse kan tunlai khawvel leh kan nun changkang tawh takah hian ran vulhtute pawhin kan ranvulh te  khuahkhirh hi kan tihtur a ni tih pawh i pawm ngam ang u.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram